Lien Polowat canoe sails into Guam

The Chuuk canoe Lien Polowat arrives in Guam waters after a 500 mile

voyage from the island of Chuuk on June 18, 2013.

 

“I minaolek i puengi para tododu ni’ manggaige guini på’go na ora! I bendision i Tata para geftao-måmi para i bisita ni’ manmåtto på’go na ha’åni. Si Chief Theo yan i mangga’chong-ña ni’ chumuli’i hit mågi ni’ este na sakman para u na’siguru na ni’ u ngai’an na pa ta fan maleffa yan todu i tiempo gi lina’lå’-ta guini gi tano’-ta. Siempre na mana’atungo’ hit… siempre man a’abisita hit… siempre manggaige gi kurason-ta i guinaiya para i taotao i Pasifiku. Hita ni’ taotao este i Pasifiku.

Guini gi nigap-ña ha’ na tiempo ha dingu hit i guinaiyan-måmi as Manny—si Manen Sakao. Ya en kenne’ tåtte i tataotao-ña para tåtte gi tano’-ña lao este i finatton Chief Theo yan i mangga’chong-ña, ha konne’ ta’lo tåtte i espiritu-ña ya ha na’siguru na ni’ u ngai’an na u dingu este i tano’-måmi ya ni’ u ngai’an na u dingu i ginaige na guinaiya gi kurason-måmi.

Pues på’go, ni’ finatton-miyu, ya-hu na bai hu ågang hamyo hålom ya un kosecha i minaolek i tano’-måmi. In na’siguru na mandeskånsa hamyo ya in na’fresko hamyo yan in na’siguru na en tingo’ na i guinaiya ni’ ngai’an na bai en fanmaleffa ya este nina’en-måmi para hamyo.

Håtsa hulo’ i guinaiyan i taotao! Håtsa hulo’ i espiriton i taotao tåno’. Ya ta håtsa hulo’ todu hita ni’ taotao tåno’ yan i taotao tåsi. Hita ni’ taotao Pasifiku.

 

Si Yu’os Ma’åse’ yan Saina Ma’åse’!”

 

Comments are closed.